ក្រសួងធនធានទឹក និងឧតុនិយម បានចេញសេចក្ដីជូនដំណឹងស្ដីពីអាកាសធាតុ ដល់សាធារណៈជនឲ្យបានជ្រាបថា ប្រទេសកម្ពុជានឹងទទួលរងនូវសម្ពាធទាបមួយ ដែលបោកបក់មកពីប្រទេសឡាវ និងប្រទេសយួន ចាប់ពីថ្ងៃទី២ ជាថ្ងៃប្រឡងបាក់ឌុបចុងក្រោយ ដល់ថ្ងៃទី៧ ខែសីហា ឆ្នាំ២០១៤។
ឥទ្ធិពលអាកាសធាតុអាក្រក់នេះនឹងបង្កឲ្យ តំបន់ខ្ពង់រាប តំបន់ទំនាបកណ្ដាល និងតំបន់មាត់សមុទ្រ នៃប្រទេសកម្ពុជា មានភ្លៀងធ្លាក់ពីកម្រិតមធ្យមទៅច្រើន ហើយខេត្តមួយចំនួនអាចនឹងទទួលរងនូវគ្រោះទឹកជំនន់។
ហេតុដូច្នេះហើយ សូមប្រជាពលរដ្ឋខ្មែរទាំងអស់ ត្រូវតែត្រៀមលក្ខណៈ និងប្រុងប្រយ័ត្នឲ្យបានខ្ពស់ទុកជាមុន ចំពោះអាកាសធាតុដែលនឹងមកដល់នាពេលខាងមុខនេះ៕
No comments:
Post a Comment